如何找到加拿大工作？

最近我見到有好多朋友都來到加拿大，開展新生活，真係好開心。來到一個新地方，在上班之前，更加重要的是適應這個城市，融入其中的文化。

我剛剛來加拿大嘅時候，都用咗好多時間去學人哋嘅生活習慣，口音，點樣待人處事，學習加拿大人係點樣生活。

可能係因為我唔係求返工先，而係選擇學習呢度嘅人嘅習慣，當我面試嗰陣時，interviewer 都覺得我好 Nice，基本上都可以好容易傾到計。

搵工其實就好似捕魚，如果你多啲熟悉嗰個海域嘅情況，你比人哋容易搵到漁獲嘅機會就更加大。例如呢個海域會有啲咩魚？會唔會有暗湧？會唔會有令你翻船嘅地方？

同埋最緊要就係 keep 住出擊，唔好因為琴日嘅失敗，或者琴日嘅成功，而令到自己停低。於是我就每日都寄申請表，不斷有 interview，不斷有好消息，過關斬將，好快就搵到工作了。

我雖然冇喺加拿大搵到最好嘅工作，但係都搵到一個容身之地，有日用嘅糧食。

祝各位同路人搵工順利，生活愉快！

圖片來自：https://unsplash.com/photos/C2keINMOhIE